2015 жылғы 28 сәуірде Астана қалалық Премьер лига ойындары ширек финалдық сайысы өтті.
Ойынға Астана қаласы оқу орындарынан «АТЭК құрамасы», «Демография», «АГК жастары», «Париж әкімінің құрамасы» , «Бірлік», «Ду қол шапалақ», «Ерке қыздар» командалары қатысып, жиналған қауымға керемет көңіл-күй сыйлады. Аталған командалар «Сәлемдесу» және «Бес әзіл сайысы» бойынша сайысқа түсті.
Премьер лига ойындары ширек финалдық сайысына қатысқан командаларға Ардагер жайдарманшылар – Нұрлыбек Асанбаев, Серікбай Сержан, Ақылбек Данабекұлы, Жораұлы Мағжан, Көшен Бахыт қазылық етті.
Ойын шарты бойынша барлық қатысқан командалар жартылай финалға жолдама алады. Ал осы ойын барысында жинаған ұпай сандары келесі ойындағы ұпай сандарымен қосылып есептелетін болады.