Жайдарман мамыр айының аяғында ҚР Ақпарат және қоғамдық даму министрлігі мен Азаматтық бастамаларды қолдау орталығының осы грантын жеңіп алған болатын. Осы грант аясында « Астана кубогі» республикалық арнайы жобасы , «Жастар жазғы фестивалі» ойыны ұйымдастырылды. «Астана кубогі» республикалық арнайы жобасы 15 маусымда Нұр-Сұлтан қаласы, Бейбітшілік және келісім сарайында өтті. Дәл осы орында халықаралық жастар күніне орай, 12 тамызда Жастар жазғы фестивалі ұйымдастырылған болатын.
Қыркүйек айында осы ойындар Qazaqstan ұлттық арнасының эфирінен көрерменге жол тартты. «Астана кубогі» республикалық арнайы жобасының эфирі 28 қыркүйекте Qazaqstan ұлттық арнасынан көрсетілді. Жастар арасында мемлекеттік тілді насихаттау мақсатында ұйымдастырылған «Жастар жазғы фестивалі» ойынының эфирі ұлттық арнадан 15 қыркүйекте өтті.
Эфирден соң, екі ойынның толық нұсқасы Youtube желісіне жүктеліп, әлеуметтік желілерге жарияланды. Сәтті өткен ойындар көпшіліктің көңілінен шығып, қаралым саны артып жатыр.