2015 жылғы 29 сәуірде Астана қаласында Л.Н.Гумилев атындағы Еуразия ұлттық университеті ректорының кубогы өтті. Сайыс Астана қаласы және еліміздің басқа қалаларының мектеп оқушылары арасында ұйымдастырылды.
Ойынға Астана қаласы №61 орта мектебі — «61-дің жастары» командасы, Көкшетау қаласы №17 мектеп — «17-құрама», Көкшетау қаласының 3 облыстық мамандандырылған мектеп интернаты — «Дарын жұлдыздары», «Екібастұз мектеп құрамасы» — Павлодар облысы, Екібастұз қаласы, Қарағанды қаласы №65 орта мектеп — «Жұрттың балалары», «Қамажай» — Өскемен қаласы Ахмет Байтұрсынов атындағы №20 орта мектеп, «Отырар» — Астана қаласы №8 мектеп, «Ерке қыздар» — Ақмола облысы, Қараөткел ауылы №2 орта мектеп, «Лицей ұландары» — Астана қаласы №73 физика-техникалық лицейі, Астана қаласы, №3 мектеп гимназиясы — «Жігіттер» сынды мектеп оқушыларынан құралған командалар қатысты.
Ойын қорытындысы бойынша, «Қамажай» жайдарман тобы — І орын, «Ерке қыздар» командасы – ІІ орын, ал «Жұрттың балалары» командасы жүлделі ІІІ орынды жеңіп алды. Сайыс жеңімпаздары Л.Н.Гумилев атындағы Еуразия ұлттық университеті ректорының дипломымен марапатталып, арнайы бағалы сыйлықтарға ие болды.
