3 шілде күні сағат 18.00-де еліміздің танымал жайдарман топтары арасында Астана қаласы күніне орай “Жаңару кубогы” республикалық арнайы жобасы ұйымдастырылады.
Фестиваль форматында өтетін сайысқа еліміздің барлық аймағынан 22 команда қатысады. Олардың ішінде телевизиялық жобалардағы жайдарманшылар мен болашағынан мол үміт күттіретін жас топтар да өзінің өнерін паш етпек.
Жоба жеңімпазын құрамында мәдениет және қоғам қайраткерлері және эстрада-кино жұлдыздарынан құралған қазылар алқасы анықтайтын болады. Сонымен қатар кубок иегерне арнайы диплом мен қаржылай сыйлықтар табысталады.
