2015 жылдың 25 қараша күні М. Өскінбаев атындағы филармонияда Маңғыстау облысының жастар саясаты мәселелері басқармасының қолдауымен, «Қазақстан КВН Одағы» РЖҚБ Маңғыстау облыстық филиалының ұйымдастыруымен, «Бүгінгі тарих, ертеңгі тарих» тақырыбында Маңғыстау облыстық ашық чемпионатының жоғары лига финалдық бәсекесі өтті.
Жастардың арасында достықты, ынтымақтастықты нығайту мақсатында, бос уақыттарын тиімді өткізуді көздейтін КВН қозғалысы Маңғыстау тұрғындарын бір иірімге келтіріп, күлкіге қарық қылғаны анық. Әр нәрсенің бастамасы қалай болса, шарықтау шегі солай өрбитінін ескере келе, Тарих маусымының алғашқы парақтарын көтеріңкі көңіл-күймен бастаған жастар, жыл бойы солай жүрері айдан анық. Жайдарман – жалынды, интелектуалды жастар мекені.
Бүгінгі сайыста республикалық, облыстық, қалалық деңгейде өнер көрсетіп жүрген жоғары және орта оқу орындарының «жайдарман» топтары бақтарын сынаған болатын. Олар Жалын құрамасы, Атамекен, Боранқұл және жалғыз ғана қонақ команда С. Бәйішев атындағы Ақтөбе университетінің құрамасы «Бәйішев жастары». Жалпы тақырып «Бүгінгі тарих, ертеңгі тарих». Маңғыстау облыстық ашық чемпионатының финалдық бәсекесінде командалар чемпион атану үшін сынға түсті.
Жоғары лиганың жайдарман топтары финалдық ойында 3 кезең бойынша сайысқа түсті:
- Сәлемдесу – (Тарихтан табам өзімді)
- Бес сайыс
- Капитандық сайыс
- Үй тапсырмасы – «Тарихи көрініс»
Бүгінгі жоғары лиганың ақтық мәресіне, яғни финалдық ойынға командалар өте жақсы дайындалған. Жайдарман топтары өте жоғары деңгейде тартысты ойын көрсетті.
Сонымен, бүгінгі жоғары лиганың финалдық бәсекесінің қорытындысы бойынша жүлделі І орын иегері «Чемпион – 2015» республикалық деңгейде өнер көрсетіп жүрген Маңғыстаудың мақтаныштары, Маңғыстау ашық чемпионатының дебютанттары, фовариттері «Боранқұл» жайдарман тобы. Ал, жүлделі ІІ орын иегерлері Жаңаөзен қаласынан келген еркін құрама «Жалын»жайдарман тобына бұйырды. Сонымен қатар, жүлделі ІІІ орын Мұнайлы ауданынан келген нағыз Дашының балдары «Атамекен» жайдарман тобы қанағат тұтты. «Үздік ойыншы» номинациясын Еркін құрама «Жалын» жайдарман тобы Әбу Жолымға берілді. Жеңімпаздарға алғыс хат дипломдар және жүлделі сыйлықтар табысталды.