Нұр-Сұлтан қаласы қоғамдық даму істері басқармасының қолдауымен «Нұр-Сұлтан қалалық Жайдарман біріншілігі» өтіп жатыр.Қалалық Жайдарман біріншілігінің 1/4 финалы 28 қазан күні Нұр-Сұлтан қаласы, Жастар сарайында өтті. Ойынды Нұр-Сұлтан қаласы Жайдарман ойындарының директоры Жүсіпжан Жамаш жүргізді. Фестивалге қатысуға 40-тан аса команда өтініш білдірді, оның 15-і маусымашардың гала-концертіне өнер көрсетті. 18 командаға қалалық чемпионатқа қатысуға жолдама берілген болатын. Жолдама алған командалар 1/4 финалда ойын көрсетіп, жартылай финалдың жолдамасына таласты. Командалардың жас айырмашылықтары алшақ емес.
Қазылар алқасының құрамында Қазақстан КВНОдағының атқарушы директоры Р.Елжанов, Қазақстан студенттер Альянсының президенті Ілияс Түстікбаев, Нұр-Сұлтан қаласы қоғамдық даму істері басқармасының бас маманы – Ақұлан Тастемір, Жайдарман ойындарының 2015 жылғы чемпионы «Күлтегін» командасың мүшесі Әділет Төлеутай, Жайдарман ойындарының 2018 жылғы чемпионы «Байдың балалары» командасының мүшесі Бағдаулет Сейітжаппаров болды.
Ойын тартысты өтті. Командалар жан-жақты дайындықпен келген.
Қазылар алқасының шешімімен жартылай финалға
- Екінші құрама – Қазақ Технология және Бизнес университеті
- Ва Банк — Л.Н. Гумилев атындағы Еуразия Ұлттық Университеті
- Қолтырауын
- Астана жастары
- Дастан — Л.Н. Гумилев атындағы Еуразия Ұлттық Университеті
- Бәсеке – Қазақ Экономика, Қаржы және Халықаралық университеті
- Сарыарқа құрамасы- Л.Н.Гумилев атындағы Еуразия Ұлттвқ университеті
- ЖК Қыз жібек командасы
- Грация- Қазақ Технология және Бизнес университеті
- КазАгро командасы
- Шабыт – Қазақ Ұлттық Өнер университеті
- Евразиат — Л.Н. Гумилев атындағы Еуразия Ұлттық Университеті
командалары жолдама алды. 1/2 финал 11 қарашада Жастар сарайында өтеді.