Таразда жаңа маусым ашылды

Биылғы жылы Жамбыл облысында «Әулие ата» республикалық орталық лигасы, «Жайдарлы» жастар КВН лигасы, «Жайдарлы Жас ұлан» мектеп лигасы және «Шу» жастар лигасы ресми түрде жұмыс жасайды. Жалпы осы лигаларда биылғы маусымда ойнауға 100-ден аса командалар ниет білдірген.

Сәуірдің 1 күні Тараз қаласында Маусымашар-2016 фестивалі өтті. Фестивальға 30-дан аса командалар тіркелді. Ойынға Шығыс Қазақстан, Оңтүстік Қазақстан, Алматы, Қызылорда және Жамбыл облысының командалары қатысты.

Өткен ойынның ерекшеліктерінің бірі оған Тараз қаласы әкімінің кубогы тігіліп, орын алған командаларға жүлделер қойылды. Бұдан былай «Үздік ойыншы», «Үздік әзіл», «Жайдарман аруы» және «Көрермендер көзайымы» номинациялары да болды. Аталмыш шара Тараз қаласы ішкі саясат бөлімінің жастар орталығының қолдауымен өткізілді.

Екі бөлімнен құралған ойынның шымылдығын жас командалар ашып, негізгі бәсекені тәжірибелі топтар жалғастырды. Барлық топтар жақсы өнер көрсетіп, ойын жоғары деңгейде өтті. Көрермендерге Жамбыл облысының намысын Республикалық жоғарғы лига ойындарында қорғап жүрген «Шу-Чу» құрамасы да әдемі әзілдерінен шашу шашты.

Қазылар алқасының шешімі бойынша «Үздік әзіл» номинациясын Тараз қаласының «Болашақ» құрамасы, «Жайдарман аруы» номинациясын Қаратау жастар құрамасының ойыншысы Бекназарова Дильназ, «Үздік ойыншы» номинациясын Шығыс Қазақстан облысынан келген «Престиж» жайдарман тобының ойыншысы Ахатаев Мухтарбек және «Көрермендер көзайымы» номинациясын Талдықорған қаласының «Асар» тобы жеңіп алды. Ойынға келер болсақ, 3-орынды Тараз қаласы Абай атындағы Жамбыл гуманитарлық колледжінің «Бұзық қыздар» жайдарман тобы, 2-орынды Тараз қаласы «Болашақ» колледжінің «Болашақ» құрамасы және бас жүлде — Тараз қаласы әкімінің кубогын Шығыс Қазақстан облысы мемлкеттік техникалық университетінің «Престиж» жайдарман тобы иеленді. Барлық жеңімпаздар арнайы дипломдар мен бағалы сыйлықтармен марапатталды.

More from the blog

14 қараша күні жайдарманның «Елорда кубогы-2021» арнайы жобасы өтті.

14 қараша күні жайдарманның "Елорда кубогы-2021" арнайы жобасы өтті. Еліміздің үздік командаларынан бөлек, өзбекстандық "Бұхара" командасы қатысып, бұл сайыстың дәрежесін халықаралық деңгейге көтеріп тастады....

«Шабыт»құрамасы «ELORDA KUBOGY-2021» иегерлері.

Нұр-Сұлтан қаласы Жастар саясаты мәселелері басқармасының қолдауымен «Елорда кубогы-2021» Жайдарман ойыны 14-қараша күні Бейбітшілік және келісім сарайында өтті. Оған Нұр-Сұлтан, Алматы, Шымкент қалалары мен...

«РЕСПУБЛИКАЛЫҚ МАУСЫМАШАР ФЕСТИВАЛІНІҢ» ІРІКТЕУ ОЙЫНДАРЫН 28-30 қыркүйек күндері 7 арнадан тамашалай аласыздар

«Қазақстан КВН одағы» РЖҚБ ұйымдастыруымен ҚР ақпарат және қоғамдық даму министрлігі азаматтық бастамаларды қолдау орталығының “Жастар арасында мемлекеттік тілді насихаттау бойынша іс-шараларды өткізу” гранты...