«Әдебиет маусымының» қорытындысын ұзақ күттік. Болжам жасадық, әр ойынды асыға қарадық. Сынадық. Мін арттық. Жанкүйер болдық.
Командалар да осал болған жоқ. Осы маусымда ойнаған 24 команда жалын-жігерлерінің жеткен жеріне дейін аянбады. Ең мықты деген үздік алтылық финалға өткенде, шын жанкүйер ретінде жанымызды шүберекке түйдік. Олар да, көрермен үміті мен аймақтарының намысын барынша қорғады. Финал — үздіктердің жиналатын тұсы. Финалист болу — еңбек пен өнердің ұштасқандағы нәтижесі.
Біз шақырғанбыз. Конгресс-холл. 29-қараша. Сағат 19.00.
Әдеттегідей, Есен аға жайдары жүзбен бастады. Не кем, ке артық әдеті жоқ, таныс жүзді сәл көрмесе сағынатын көрермен жылы қабылдап, қошеметін жаудырды. Бұл ел ағасы — Есағаға ғана емес, Жайдарманға деген кошемет.
«КҮЛтегін» бастады.
«Кейінгі кезде Мұқан жақсы ойнап жүр дейсіздер ме, рахмет!» (с) Мұқан «Байланыс жігіттері»
Батырлармен, нөкерлермен, қазақша сөйлей алатын орыстарымен шықпаса, «Аграрка сарбаздары» бола ма?! Міне, дәлел. Финалға да осындай бір «шоу»керек болған шығар. бастысы, еңбек бар…
Мықты… Еңбек бар. «ҚазҰУ құрамасы» өздері айтқандай үш жыл финалда ойнаған команда. Тәжірибе бар екені сәлемдесуден-ақ көрініп тұр.
«АЭСА құрамасы» стильімен де, ерекше ойынымен де халықтың көзайымына айналған команда. Әйтеу, бұларға деген ықылас ерекше болды.
Ойындағы қызықты сәттердің бірлі-жарымы осы.
Нәтиже:
Жылдың үздік ойыншысы — Мейрамхан ШАЛҚЫБАЕВ (Михон, «АЭСА»)
ІІІ орын — «КҮЛтегін» ЕҰУ;
ІІ орын — «Аграрка сарбаздары» ҚазАТУ
Чемпион — «ҚазҰУ құрамасы»
