Ресубликалық «Жайдарлы ЖАС ҰЛАН» сайысына арналған фестиваль өз мәресіне жетті. Жас Жайдарманшылар өз аудан, облыстарының намысын қорғап, барынша тер төкті. Жеткіншектер жауапкершілікті көбірек сезіне ме, жіті дайындық жүргізгенін байқатты. Ой-санасы енді ғана қалыптасып келе жатқан балақайлардың жайдарлы әзілдері залды қыран- топан күлкіге бөледі.
Бала көңілі бәрібір, пәк емес пе?! Ойын — шынайылығымен де бар жанарды жаулап алды.
Балалардың көңілін қию мүмкін емес, әрине. Десе де, қазылар алқасы өз бағасын беріп, жеңімпазды анықтады.
III орынға — «Петропавл қаласы №2 орта мектеп құрамасы» лайықты деп табылды. II орын – Алматытан келген «Тәтті құрамаға» берілсе, I орынды ШҚО жеткіншектері, «Тақиялы періште» командасы алды.
