Бұл жолы да, жаңа маусымның кезекті жаңалығымен бөліспекпіз. Республикалық «Маусымашар — 2015» «Жайдарман» фестивалі аясында өткізілетін шаралардың арасына жаңа жоба қосылды. Тіпті, ерекше жоба! 2014 жылғы «Әдебиет маусымының» қорытындысы бойынша республикалық Орталық лигалар жеңімпаздары мен республикалық Алматы Ашық лигасының финалистерінің арасында «Чемпиондар лигасы» арнайы жобасы өткізілмек. Қатысушы командалар қатарына лига редакторларының шешімімен бір-бір командадан қосылды. 7- қаңтар, сағат 19.00-де болатын бұл жоба «Жайдарманның» тұрақты сарапшылары тарапынан да оң бағаланып отыр. Аталмыш жобада, финалистер мен чемпиондар бір сахнада бас қосады. Аймақтардан келген жас жайдарманшылар үшін әрі қызықты ойын, әрі үлкен тәжірибе бастауы болмақ.
| Топ атауы | Лига | |
| 1 | «Инженерлер», Алматы | Республикалық Бірінші лига, финалист |
| 2 | «Бұзық бизнесмендер», Алматы | Республикалық Бірінші лига, финалист |
| 3 | «Алатау», Алматы | Республикалық Бірінші лига, финалист |
| 4 | «Жалын», Жаңаөзен | Республикалық Бірінші лига, финалист |
| 5 | «Тентектер Юнайтед», Павлодар | Республикалық «Ертіс бойы» орталық лигасы, Чемпион-2014 |
| 6 | «Аграрка жастары», Астана | Республикалық «Ертіс бойы» орталық лигасы, финалист |
| 7 | «Грант», Орал | Республикалық «Батыс» орталық лигасы, Чемпион-2014 |
| 8 | «Ғажайып медицина», Атырау | Республикалық «Батыс» орталық лигасы, финалист |
| 9 | «10 планета тұрғындары», Тараз | Республикалық «Әулие-ата» орталық лигасы, Чемпион-2014 |
| 10 | «Тараз-Астана», Тараз | Республикалық «Әулие-ата» орталық лигасы, финалист |
| 11 | «Депутат», Қостанай | Республикалық «Сарыарқа» орталық лигасы, Чемпион-2014 |
| 12 | «Ағадыр құрамасы», Қарағанды облысы | Республикалық «Сарыарқа» орталық лигасы, финалист |