Көптің айтуы бойынша, өткен 2014 жылда Республикалық Премьер лиганың ғана емес, жалпы Жайдарманның жаңалығы болған команда — «Сырдария» құрамасы. Әдетте, баланың жетістігі – ата-анасының арқасы, шәкірттің жетістігі — ұстаздың еңбегі болып саналмай ма?! Сондықтан, «Сырдарияның» сыры неде деп үңілдік. Айтатын әңгіме «Қазақстан КВН одағы» Мақтаарал аудандық филиалы жайлы толық мәлімет.
- Филиал өкілі – Сүндет КЕНЖЕБАЕВ
- Аудандық «Жайдарман» ойындарын «Сырдария» құрамасының капитаны – Марат СӘРСЕНБАЕВ жүргізеді
- Ауданда бір жылда 50-ге тарта ойын өткізіледі
- Аудан бойынша 24 ауылдық округ , 125 мектеп, 8 колледж, 1 университет бар.
- Кестеге сәйкес, а/о әкімінің кубогы өтеді
- Ауданда мемлекеттік қызметкерлер (қала, кент, ауылдық округ, әкімшілік аппараттары) арасында арнайы чемпионат бар.
- Аудандық «Жайдарман» ойындарына қолдау көрсететін – «Жас Отан» жқ; Мақтаарал ауданы әкімі аппараты; Аудандық білім бөлімі;
- Ауданда жоғары және арнаулы орта оқу орындары мен мектеп арасында чемпионат үш жерде өтеді. Ол, аудан орталығы — Жетісай қаласы, Атакент кенті өңірі және Асықата кенті өңірі.
- Жоғарыда аталған үш өңір бойынша 100-ден аса команда ойын көрсетеді.
- Қыркүйек айында өткен «Маусымашар-2015» ойындарына 100-ге жуық команда қатысты.
- Аудандық жартылай финал ақпан айында өтеді.
Еліміз бойынша халық саны тұрғысынан ең тығыз, үлкен аудандардың бірінде болып жатқан қызу тіршіліктің бір бөлігі осындай. Теңіз тамшыдан құралатынын ескерсек, Жетісайлықтардың «Жайдарманға» қосқан жақсы үлесі мол шығар. Еңбектеріңіз ақталып, жемісін бергей! Сахнаның үлкен-кішісі жоқ, ендеше, осы аудандық сахнадан республикаға танымал жайдары жұлдыздар шығуына тілектеспіз! Жаңа жыл, жаңа маусымда жетістіктер көп болсын!