Бүгін жайдарманшылар үшін мереке саналатын маусымашардың төртінші күні …Яғни, күн тәртібінде фестивальдің II турына өткен командалардың өнерлеріне куә болатын күн. Жоспарланғандай, бүгін іріктеліп алынып «Үздік» деп танылған командалар сахна төрінде өнерлерін ортаға салды. Редактор маман дайындықты әлде де қажет ететін командалардың кемшін тұстарын ескертумен қатар, әзілдердің сапалы болуына назар аударуды нұсқады.
Сондай-ақ, іле-шала кен көлемдегі маңызы бар жиналыс та өткізілді. Жиналысқа лига жетекшілері, филиал директорлары және фестивальдің ұйымдастырушылары қатысты. Бұл жиын барысында жайдарманның даму тұсындағы жоспарлар талқыланумен қатар, алға қойған мақсаттар пысықталды. Сонымен қатар, әр өңірдегі филиалдардың жұмыс барысы талқыға түсті.
