Жайдарман ойындарында өзінің тұщымды әзілдерімен көптің көңілін баурап жүрген командалардың бірі – Арал құрамасы. Сегіз серіден құралған команда биыл тағы да Премьер лигада!
- Былтырғы Премьер лига мен биылғы Премьер лиганың ерекшелігі қандай?
- Жыл сайын Жайдарман өсіп келеді. Сонымен бірге командалар деңгейі де дамып, жетіліп келеді. Әр команда әр маусымда өзін жаңа стилде, жаңа форматтағы әзілдерімен көрсетуде. Біз де биылғы маусымға жаңа әзілмен, жаңа құраммен келіп отырмыз. Көрерменге ұнайды деген ойдамыз.
- Былтырғы мен биылғы құрамда қандай өзгерістер бар?
- Команда құрамында атап айтарлықтай өзгерістер жоқ. Тек командамызға 1-2 ойыншы алдық. Қалған жігіттер бұрыннан ойнап жүр.
- Былтырғы маусымда не естеріңізде қалды?
- Былтырғы маусымда ойнаған барлық әзілдеріміз есімізде. Бірақ өкінішке орай, былтыр Премьер лиганың жартылай финалына дейін ғана ойнадық. Сәл дайындығымыз аздай болған шығар… Ал биылғы маусымнан күтеріміз көп. Себебі, маусымға дайындығымыз жақсы.