Ағымдағы жылдың 15 мамырында Жайдарман жанкүйерлерімен тағы да жүздесті. Жастар сарайында Республикалық Премьер лига ойындары ширек финалының алғашқы тобы сайысқа түсті. Ойын 3 сайыстан тұрды: 1.Сәлемдесу. «Біздің дәуір тарихы». 2. Жалғастыр сайысы. 3. Әуенді көрініс. «Өшпейтін өлең хаттары».
Алғашқы топтағы командалар:
«Байдың балалары» — Мұхтар Әуезов атындағы Оңтүстік Қазақстан Мемлекеттік университеті, Шымкент қаласы
«Арал құрамасы» — Қызылорда облысы, Арал ауданы
«Номад құрамасы» — Қазақтың Спорт және Туризм академиясы, Алматы
«Рахмет» — Шығыс Қазақстан облысы, Абай ауданы
«Қатынас жолдары университетінің құрамасы» — Қазақ Қатынас жолдар университеті, Алматы қаласы
Ойын қорытындысы бойынша «Қатынас жолдары университетінің құрамасы» (13,8), «Байдың балалары» (11,4), «Номад құрамасы» (11,4) келесі ойынға тікелей жолдама алды. Ал «Арал құрамасы» (10,8) және «Рахмет» (10,2) жайдарман топтары әзірше резервте.