«Әзірге Қызылорда қаласында жайдарман сайыстары өтпелі кезеңде. Биыл жайдарман сайыстарының тоқтап қалған себебі – біздер алдыңғы жылы қыс-күз маусымдық жүйемен чемпионатты ауыстырып жұмыс жасап көрсек деген болатынбыз. Бірақ, өкінішке орай біз ойлағандай сәтті жүзеге аса қоймады. Ал, чемпионат қайтадан өз орнына яғни оқу маусымы секілді қыркүйек-мамыр жүйесіне қайтарылды»,-деген «Қызылорда Жайдарман» орталығының директоры Абдусаид Тулеганов өз сөзінде тұрып, таланты тұла бойында жасырынған жастарға қолдау білдіру мақсатында маусымды ашық деп жариялады.
Жаңа маусым…Жаңа командалар…Жаңа әзілдер… Иә, биылғы маусым да өз ерекшеліктерімен бастау алды десек қателеспегендік болар. Қорқыт ата атындағы Қызылорда мемлекеттік университетінде өткізілген маусымашарға көрермен болып келген кісілердің санында шектеу жоқ. Себеп – жергілікті тұрғындардың жайдарман сайыстарына деген қызығушылықтары болса керек…
Алдымен мектеп оқушылары үшін облыстық маусымашар шымылдығын ашып, көпшілік оқушылардың өнеріне куә болды. Сонымен қатар, сапалы әзілдеріне қол соғып, өнерлі оқушыларға сәттілік тіледі. Іле-шала «Сүйікті қалам – Қызылорда» тақырыбымен бастау алған маусымның облыстық маусымашары өз жалғасын тауып, көрермендер жаңа маусымның жаңашылдықтарына риза болысты.
Сонымен, облыстық маусымашарда өнер көрсеткен командаларға тоқталар болсақ…
1.Белкөл кенті әкімінің құрамасы «Белкөл тұрғындары»
- Қызылорда гуманитарлық экономикалық колледжі «КГЭК» құрамасы
- И.Әбідкәрімов атындағы Қызылорда аграрлы техникалық колледжі «Асу» құрамасы
- Қазақ гуманитарлық заң және техникалық колледжі «АЭСКА» жастары
- Болашақ медицина колледжі «БМК» жастары
- Арал ауданы «Кіші Арал»
- Қызылорда медицина колледжінің құрамасы
- Шиелі индустриалды аграрлық колледжінің құрамасы
- Қорқыт ата атындағы Қызылорда мемлекеттік университетінің «Қыз Жібек» қыздар құрамасы
- Өркениет колледжінің құрамасы
- Қазаңғап атындағы Қызылорда музыкалық колледжінің құрамасы
- Қорқыт ата атындағы Қызылорда мемлекеттік университетінің «Алты Алаш» жайдарман тобы
- Сырдария ауданы «Тереңөзек құрамасы»
- 14. Шиелі ауданынан «Шиелі құрамасы»
- «Ақмешіт» институтынан «Сыр ұландары»
- «Абылай хан» құрамасы
- «Өмір юмор» жайдарман тобы
- Жаңақорған құрамасы
- Қорқыт ата атындағы Қызылорда мемлекеттік университетінің «ҚМУ» құрамасы
- Болашақ университеті «Бу»құрамасы
Осы аталған командалар биылғы маусымда тақырып аясында өнерлерін ортаға салып, тапқырлықтарын таныта біледі деген сенімдеміз. Олай болса, жас жайдарман топтарына сәттілік тілейміз.
Айдана Әлиарыстан