«Қазақстан КВН одағы» РЖҚБ ұйымдастыруымен ҚР ақпарат және қоғамдық даму министрлігі азаматтық бастамаларды қолдау орталығының “Жастар арасында мемлекеттік тілді насихаттау бойынша іс-шараларды өткізу” гранты аясында 2021 жылдың 3-4-5-6 маусым күндері Бейбітшілік және Келісім сарайында «Республикалық маусымашар фестивалінің» іріктеу ойындары мен гала-концерті өту жоспарлануда.
Аталмыш сайыстарға еліміздің барлық аймағынан әр түрлі командалар қатысады. Ойындарға елімізге танымал әзілкештер Ғалым Махамбетов,Марат Достаев,Еркебұлан Мырзабек, Рүстем Елжанов қазылық етеді. Іріктеу ойындарының барлық кезеңіне телевизиялық түсірілім жасалып, отандық телеарналардан көрсетілу жоспарлануда.
Бар жанарды жаулаған Жайдарман ойындарын алдағы уақытта күтіңіздер!

Жайдарман ойындарының 2021 жылғы маусымашар ойындарына тіркелу ашық. Биыл – «Өзгеріс» маусымы. Бұл жылы маусымашар ойындарының өткізу форматы да өзгерді. Алдымен барлық командалар өз өңірлеріндегі маусымашар ойындарына қатысады. Бүгінге дейін өңірлік маусымашар Қызылорда және Қостанай облыстарында өткізілді. Сәуір айының соңына дейін барлық аймақта маусымашар фестивалі өтпек. Ал дәстүрлі Республикалық маусымашар фестивалі мамыр айында Нұр-Сұлтан қаласында болады деп жоспарлануда.
Биыл лигалар бойынша да өзгерістер бар. Енді барлық командалар келесі лек бойынша бөлініп, өнер көрсететін болады:

• Jaidarman cup
• Jaidarman top (жоғары лига)
• Jaidarman live (премьер лига)
• Jaidarman style
• Бірінші лига
• Bala jaidarman (мектеп)
• Телевизиялық арнайы жобалар

Жайдарман – жастардың жобасы. Үнемі қолдап, жаңа мүмкіндіктердің есігін ашуға дайын. Биыл да жоспарланған жұмыстар бойынша, біршама іс-шаралар өтеді. Маусымашар фестиваліне тіркелу реті дәл бұрынғыдай. Барлық командалар алдымен өз өңірлерінің маусымашарына қатысып, республикалық жобаларға жол салмақ.

ҚР ақпарат және қоғамдық даму министрлігінің Азаматтық бастамаларды қолдау орталығынының қолдауымен Атырау облысының Азаматтық Альянсы ЗТБ-і «Атырау облысында ауылдық ҮЕҰ-ның әлеуетін арттыру» жобасы аясында 500 000 теңгенің гранты бойынша 10 әлеуметтік жоба ұтып алды.

Жайдарман өз жанкүйерлерін қуанта бермек! Елордада 21 тамыз күні республикалық арнайы жоба “Нұр-Сұлтан қаласы әкімінің кубогі -2020” Жайдарман ойыны өтті. Ойынға Нұр-Сұлтан қаласы Жастар саясаты мәселелері басқармасы қолдау көрсетті. Халықаралық деңгейде ұйымдастырылған жобаға Моңғолиядан және еліміздің әртүрлі облыстарынан бас-аяғы 13 команда қатысты. Олар:

1. «Монғолияқұрамасы», Моңғолия

2. «Евразиат», Нұр-Сұлтан

3. «Рудный құрамасы», Қостанайоблысы Рудный қаласы

4. «Шатыр», ШҚО, Семей

5. «Бес жаңалық», Петропавл

6. «Тұран–Нұр-Сұлтан», Нұр-Сұлтан

7. «Бүгін.kz», Шымкент

8. «Қызылордақұрамасы», Қызылорда

9. «Дарын Интеллектуал», Қостанай

10. «Боранқұл», Маңғыстау

11. «Шапалақ», Талдықорған

12. «Миллион», Шымкент

13. «Грант», Орал

Тартысты сайысқа Көпен Әмірбек, Дәулет Кәрібек, Еркін Мұхамеджанов, Бахтияр Артаев, Марат Достаев секілді қоғам қайраткерлері, белгілі тұлғалар қазылы қетті. 13 команда ойын көрсетіп, қазылар алқасының шешімі негізінде жүлделі орындарға лайықты командалар іріктелді. Нәтижесінде “Нұр-Сұлтан қаласы әкімінің кубогін” Маңғыстау өңірінен келген “Боранқұл” командасы иеленді. Екінші орын оралдық “Грант”, үшінші орын Нұр-Сұлтанның мақтанышы “Евразиатқа” бұйырды. “Дарын-интеллектуал” командасының ойыншысы Таңшолпан “Үздік ойыншы” номинациясына лайықты деп танылды.

Биылғы жыл жалпы әлем үшін оңай жыл болған жоқ. Пандемия әсерінен көптеген салалар тұралап қалды. Жайдарман да көрерменімен қауыша алмай қалды. Дегенмен, көрерменнің патша көңілі біз үшін әрқашан маңызды, биік. Өзіміз де телеэкран арқылы болса да, жайдармансүйер жандармен қауышуға асықтық. “Нұр-Сұлтан қаласы әкімінің кубогі-2020” ойыны командалардың білек сыбана дайындалған жобасы болды. Сахнаның сәнін командалар келтіргенмен, Жайдарманның жарасымы көрермендермен екеніне тағы бір көзіміз жетті. Жайдарманшылар экран алдындағы көрерменнің көңіл-күйіне әсерету үшін, барын салып өнер көрсетті. Зал толы ойындар мен қалыпты өмір салтына тезірек ораламыз деп сенеміз. Қауіпсіздік шараларын сақтап, денсаулыққа дұрыс қарап, сақтанып жүруге шақырамыз!

Ойын залдағы көрерменсіз өтсе де, қызыққа толы телевизиялық түсірілім болып, 24 қазан күні Қазақстан ұлттық арнасының эфирінен көрсетілді.

4 ақпан күні редакторлық жұмыстан өтетін командалар тізімі

Редакторлық жұмыстар сағат 9:30- да басталады

Әмбебап маусымның екінші күні де өте шықты. Бүгін 153 команда ресми түрде тіркеліп үлгерді. Тіркелу ертең де жалғасатынын хабарлаймыз. Қазмедиа орталығында сағат 9:30- дан бастап тіркеу мен редактура жұмыстары қатар жүреді.
⠀
Бүгін Қазақстан Ұлттық арнасы мен Тамаша телеарналары ұйымдастырған арнайы ойын-сауық іс-шарасының бірінші бөлімі өтті. «Танысу күнінде» Ұлттық арна тележүргізушілері мен «Тамаша» телеарнасының директоры Есен Елеукен қонақ болып, маусымашар қатысушыларымен фотосессия ұйымдастырылды.
⠀
Түстен кейін ашылу салтанаты өтіп, жеребе тартылды. Жеребеден кейінгі реттік номерлері бойынша редакторлық жұмыстар жүргізілді. Барлық ақпараттарды Жайдарманның ресми сайтынан , сондай-ақ , әлеуметтік желілердегі парақшаларынан таба аласыздар. Екінші күннің күнделігін ертең Таңшолпан бағдарламасынан көреміз. Барша қатысушыларға сәттілік, жоғары көңіл-күй тілейміз!

Жайдарман ойындарының 15-маусымы шымылдығын түрді. Ағымдағы маусымның атауы-«Әмбебап маусым». Республиканың  барлық өңірлерінен маусымашарға қатысуға ниет  білдіріп, 700 команда тіркелді. Әзіл түсінетін, әзілге  икемі бар жастардан  құралған  топтар  бір апта көлемінде елордада болып, маусымашарда бақ  сынайды. Редакторлардың шешімімен  командалар лигаларға бөлініп, іріктеуден өткен  командалар  7  ақпан күні  гала-концертте өнер  көрсетеді.

          «Маусымашар — 2020»  фестивалінің  өту  кестесі