“Нұр-Сұлтан қаласының қоғамдық даму істері басқармасы” ММ мен “Қазақстан КВН Одағы” республикалық жастар қоғамдық бірлестігінің ұйымдастыруымен халықаралық жайдарман сайысы өтті.  Қатысқан 10 командалардың 6 шетелдік болса, 4 қазақстандық топ. Олардың қатарында жыл сайын ұйымдастырылатын фестивалдің тұрақты және  елімізге алғаш қадам басқан қонақтары бар. 

Сайысқа қатысқан командалар:

1.      «Қазақстан халықтары ассамблеясының құрамасы»  Нұр-Сұлтан қаласы

2.      «Моңғолия елінен Баян өлке құрамасы»

3.      «Біз қазақпыз» Екібастұз қаласы

4.      «Қарақалпақстан құрамасы» Өзбекстан Республикасы, Нөкіс қаласы

5.      «Башқұртстан құрамасы» РФ Уфа қаласы

6.      «Ноғай құрамасы — Алтын орда» РФ Ноғай ауданы

7.      Академик Әбдімұса Қуатбеков атындағы халықтар достығы университеті «Бүгін.kz» Шымкент қаласы

8.      «Татарстан құрамасы» РФ  Қазан қаласы

9.      «Миллион»  — «Нұр-Үміт» өнер орталығы Шымкент қаласы

10.    «Позитифф» Қырғызстан Республикасы Бішкек

Өнер көрсеткен командаларға қазылар тиісті ұпай сандарын үлестіріп, жеңімпаздарды анықтады. Сайыс нәтижесі:

150 мың теңге көлеміндегі қаржылай сыйлыққа ие болған III орын иегерлері:

—        «Моңғолия елінен Баян өлке құрамасы»

—        «Қарақалпақстан құрамасы» Өзбекстан Республикасы, Нөкіс қаласы

—        «Башқұртстан құрамасы» РФ Уфа қаласы

300 мың теңге көлеміндегі қаржылай сыйлыққа ие болған II орын иегерлері:

—        «Позитифф» Қырғызстан Республикасы Бішкек

—        «Бүгін.kz» Шымкент қаласы

1 миллион теңге көлеміндегі қаржылай сыйлыққа ие болған II орын иегерлері:    

-«Ноғай құрамасы — Алтын орда» РФ Ноғай ауданы

«Үздік ойыншы» аталымына «Татарстан құрамасының» ойыншысы – Наиль Салахов лайық деп танылды.

Халықаралық жайдарман фестивалінің 2-күні де қызыққа толы өтті. Әр елден жиналған қатысушыларға арнайы экскурсия ұйымдастырылды. Іс-шара жоспар бойынша қонақтарды Нұр-Сұлтан қаласының орталығындағы зәулім ғимараттарын аралатып, таныстырумен  басталды. «Бәйтерек» пен «ЭКСПО» кешендерін, Ұлттық музейді  және мәдени ғимарат саналатын театрды тікелей тамашалады. Бұл экскурсия қазақ халқының салт-дәстүрлері дәріптеліп, тарихына көз жүгіртіп, мәдениет және әдебиетінен сыр шертуге сеп болды.

Халықаралық жайдарман ойындарының алғашқы күні жоспарлағанымыздай сәтті өтті. Фестивалдің барлық қатысушылары ашылу салтанатына жиналып, Жастар сарайында арнайы ұйымдастырылған концертті тамашалады.

Түркі тілдес елдерден келген қонақтардың, қазақстандық жайдарманшылардың және әкімдік өкілдерінің қатысуымен өткен салтанатты кешті белгілі жайдарманшылар Ғалымжан Кеңшілік пен Жүсіпжан Жамаш жүргізді. Шара барысында әр елдің жастары бір-бірімен жақыннан танысып, сахнадағы бәсекелестеріне сәттілік тілеумен тарқасты.

Ақтөбеге 150 жыл… Осы мереке орай аталмыш өңірде танымал топтардың  бас қосуымен жайдарман сайысы ұйымдастырылды. Ақтөбе қалалық ішкі саясат бөлімінің  мемлекеттік-әлеуметтік тапсырысымен, қала әкімі Ілияс Испановтың қатысуымен «Ақтөбе қаласы әкімінің кубогі» үшін тартысты ойын өтті.

Республикалық арнайы жобада өнер көрсеткен командалар: «Эконом класс» — Қ.Жұбанов атындағы Ақтөбе өңірлік мемлекеттік университеті, Ақтөбе қаласы

С. Бәйішев атындағы Ақтөбе университеті құрамасы — Ақтөбе қаласы

«Ару.кз» — Қостанай облысы, Арқалық қаласы

«Грант»  — Жәңгір хан атындағы Батыс қазақстан аграрлық-техникалық университеті

«Бүгін.КЗ»  — Түркістан облысы,  Шымкент қаласы

«Жалын» — Маңғыстау облысы, Жаңаөзен қаласы

«Қызылорда құрамасы» —  Қызылорда облысы

«Боранқұл»  Маңғыстау облысы

«Дежавю»  — Ақтөбе қаласы

«Фемида» —  Ақтөбе қаласы

Ойын нәтижесіне сәйкес,  Ақтөбе қаласы әкімінің кубогін және 300 мың теңге көлеміндегі ақшалай сыйлықты «Фемида» жайдарман тобы иеленсе, 2 — орынды «Жалын», 3 –орынды «Бүгін.КЗ»  командалары еншіледі. Айта кетейік, бас жүлде иегерлері жүлдені «Ару.КЗ» тобының қыздарына табыстап, құрмет көрсетті.

Жайдарман  Қазақстан  Республикасы ақпарат және қоғамдық  даму министрлігі мен  азаматтық  бастамаларды  қолдау орталығының  «Жастар арасында мемлекеттік тілді  насихаттау»   грантына ие  болды. Енді  осы  грант аясында алдағы  уақытта «Астана кубогі»  ойыны  және  халықаралық  жастар күні  аясында «Жастар  жазғы фестивалі» өтеді  деп  жоспарлануда.

Қос  ойынға еліміздің  барлық  өңірлерінен  командалар  қатысады деп  күтілуде. Ойынға елімізге белгілі әзіл  майталмандары  мен қоғам қайраткерлері, өнер жұлдыздары  әділ қазылық  етеді.  Түсірілім жасалып, Qazaqstan ұлттық  арнасынан  эфирге берілетін  болады. Жайдарманның  youtube  желісіндегі  ресми парақшасына  салынып, көрерменге жол тартады.

Шымкент қаласында «Нұр үміт» өнер орталығының қолдауымен жайдарман сайысы өтті. Аталмыш ойынға барлығы 11 команда қатысқан болатын. Қазылардың шешімі мен көрермендердің ыстық ықыласының нәтижесінде жүлдеге лайық жеңімпаздар анықталды. Арнайы кубок пен автокөліктің кілті «Қызылорда құрамасы» жайдарман тобына бұйырды.  Жеңімпаздарды құттықтаймыз!!! 

Айта кетейік, жайдарман тарихында бас жүлде иегерлеріне көлік сыйға тарту дәстүрі алғаш рет орындалды. Жайдарман жанашыры атанған «Нұр Үміт» өнер орталығының басшысы Анар Талғатқызына арнайы алғыс білдіреміз!